Ocki tipatcimowin
Aci ocki onikamowin
"Mamo mickatan"
Pekwakimik kita metowew
Havre-Sainte-Pierre ke taci metowetc minatc
Sakay kaie kawotci metowematc
Ka metowaniwok Manawanik
Ka metowetcik kaskina awik
Ka nehirowisi kicikak
Nehirowisiwok ke nikamotcik
Innu Nikamu
Festival Maamuitaau
Camp Matakan
Festival de Manawan
Musique Nomade
Kotak nikamowin
Pekipiwan
Atawaniwon kinokepitcikanik
Opimatisiwin
Aci wacamec nicitana tatopona e masinahak, e metowetc kaie e nikamotc onakamowina. Atikamekw Nehirowisiw, Manawan pe otciw kaie ekote e taciketc mekwata kaie kaskina witcicana.
Ki kictaw e kiskinomasotc kitci kiskinamatokamikok Université du Québec à Chicoutimi kitci ki kiskinohamakeriniwitc, 2001 ka tatopiponikarik. Ki kiskinohamakeriniwiw Simon-Pineshish-Ottawa kiskinohamatokamikok minawatc Pekwakimik ki nta otamiro nac Capetciwotakinik papeiko pipona tca e nictinik. Ki nikaniw Atikamekw Sipi kiskinohamakewinik kaie otirisowinak itekera ni apitc 2008. Ki kiskinohamakew ota Otapi kiskinohamatokamikok nac ki witciew ka nikaniwirtci. Anotc aci wir nikaniw neta wacamec nicto pipona aci. Mocak ki micta witciew awaca kaie witciriniwa otenamik kitci mirokiritci kaie kitci tapwerimitisonaniwonik nikanik otci.
​
Ki nipwiw iskwewa Julie Verrault icinikasoriwa. Neiriwa onitcanica mocak tca micta kicteritam otarimowewin kaie otirisowin opimatisiwinik. Ka okimakaniwok otatakon pisimw 2010, ki apiw kewir neta okimawkiwamik nac asko 2014. Mocak tca ki wi witciew kiapatc anotc ekoni e totak otenamik kaie mamik. Ekote kaie e ici witcihiwetc kitci kiskeritakosiritci Atikamekw Nehirowisiwa ota Kepek askik kaie kaskina wec.
Omeskanam e nikamowiriniwitc
Ki matce nikamoiriniwiw nikotc ka nte matce ockinikiwitc. Kaskina nehirimowicteriw onikamowina. Kaskina wec ki itahamaso e witak tan ecinakonik kaskina wec pimatisiwiniw kirika pisiskatisiwiniw.
​
Ki ocihew nictam otekirepma ka mikomini pisimokarik (2006). Keskinowamew ka micta sakihatc (Florent Vollant, innu). Micta kacterimew kaie. Ki ocitawok tapikotc kitci nikamotcik. Ntowertcikateriw mictahi onikamowina Beaux-arts itekera kaie masinactetcitcikanik. Pa icaw kitci nokositc masinactetcitcikanik.
​
Ki kanewiw mitcetowaw nikamowihinik tekera (2000) UQAC, (2007) «Grands Prix Desjardins de la Culture de Lanaudière», (2008) «Amnistie Internationale» otci nehirowisiwok nac asko 400 pipona ka tipickamokanik Kepek askiriw. (2007) ki wicamakiniwiw kaie Joliette kiskinohamatokamikok,ki mitaw kaie ki ocitaw kitci metwaniwonik ote Trois-Rivières (Metaperotin) «Maquisart» itekera otci ka nikamoritci atikamekwa 2011 ka tato piponikarik. Ki ocitaw masinactetcitcikaniciriw Wapikoni Mobile kirika. «Aci ni micta cakateriten - Je commence à m'ennuyer» ki micta kanewakew : «Prix Jeunesse» mekwata ka ocitakiniwonik Festival Ciné Alter'Natif de Nantes, «Prix Mainfilm», « Prix du Coup de coeur Télé-Québec» mekwata ka ocitakiniwonik Festival Présence Autochtone (2012). Ki micta sakitaniwoniw. Ki ocihew kotakihi otekirepima (2016). Pa aicaw kiapatc e ici pa metowanionik kitci nta nikamotc kewir e pitc micta sakitatc e aititosketc.